மனக் குரங்கை அடக்குங்கள் !

பகவானிடம் நாம் செல்வம், ஆரோக்கியம், புகழ் இப்படி எது எதையோ வேண்டுகிறோம்.  உண்மையில்,  மனமானது கண்டபடி அலையாமல் அதைக் கட்டுப்படுத்துவதற்குத்தான் ஸ்வாமியின் அருளை நாம் கோர வேண்டும்.  மனம் அவசியமற்றதையெல்லாம்  செய்யத் தூண்டும்.  கண்ணால் காணக் கூடாதவற்றைக் கண் பார்க்கிறது.  காதால் கேட்கக் கூடாதவற்றைக் காது கேட்கிறது.  நாக்கினால் ருசிக்கக் கூடாதவற்றை நாக்கு ருசிக்கத் துடிக்கிறது.   இதற்கெல்லாம் காரணம் என்ன தெரியுமா ?  மனம்,  பல பொருட்களைக் கண்டு மயங்குகிறது.  இந்த மனக் குரங்கை எப்பாடு பட்டாவது அடக்கியாக வேண்டும்.

–மஹா பெரியவர் அருளிய ‘தெய்வத்தின் குரல்’  தொகுப்பில் இருந்து….