குரு உபதேசம் 42 இளைஞன்:

"இளமையிற் கல்" என்று சொல்லி இருக்கிறது. அதுவே பிரம்மசரிய ஆசிரமம்.

ஒருவனுக்கு விவாகம் ஆவதற்கு முந்தி வினாத் தெரிந்த பிறகு இருக்கக் கூடிய காலம் - அதற்குள் படிக்க வேண்டும்.

தேகபலம், அஹிம்ஸை, பயமற்ற நிலை இவற்றோடு சொந்த கஷ்டங்களையும் பாராட்டாமல் பிறரைக்காகும் மனப்பான்மையும் (க்ஷத்ர தர்மம்) சேர்ந்தால், அது பெரிய சீலமாகும்.

இப்போது நம் நாட்டு யுவர்கள் இந்த க்ஷத்ர தர்மத்தை மேற்கொள்ள நிரம்ப அவசியமிருக்கின்றது.

மெஜாரிட்டி, மைனாரிட்டி என்ற பயம் இல்லாமல், தர்மத்துக்கு ஆபத்து வந்தால், உயிரைத் திரணமாக மதித்து போராடுகிற நெறி இளைஞர்களுக்கு இருக்க வேண்டும். இதுவே சேவையில் ஈடுபட யுவர்களின் தர்மம்.

பிள்ளைகள், அப்பா அம்மாவிடம் வாதம் பண்ணி, "வரதக்ஷிணையும், சீரும் கேட்காவிட்டால் தான் கல்யாணம் செய்து கொள்வேன்" என்று ஸத்யாக்ரஹம் பண்ண வேண்டும்.
இந்த வரதக்ஷிணை ஒழிப்புக்கு நம்முடைய இளைஞர்கள் உறுதியோடு சகாயம் பண்ண வேண்டும்.

நெடுங்காலமாகப் பயிராகவும், எதிர்காலத்துக்கு உத்தரவாதமாயும், தார்மீகப் பாதுகாப்பாகவும் இருக்கிற விவாகம் என்ற விஷயத்தில் பெரியவர்கள் பார்த்துப் பெண்ணை நிச்சயம் செய்கிறபடிதான் பிள்ளைகள் செய்யவேண்டும்.

ஆனால் அந்தப் பயிரையே பூச்சி அரிக்கிற மாதிரி வந்திருக்கிற வரதக்ஷ்ணைக் கொடுமைக்கு உடந்தையாக இருந்து விடக் கூடாது.